起身大脾仲好酸痛.......行路都跛跛下....

今日有少少閒~~~~~
部份工作要等Dubai完成先有得做......

彭小姐介紹左隻Facebook game我玩，
係開餐廳既，lunch時開黎玩，玩到停唔到手
改埋個名做Rice2 Cafe~~~~~
暫時全部都搵返舊班底，都幾有趣~~~~~

收工時Caroline車我返屋企，
佢講開Déborah，我忍唔住問佢意見，
佢好快咁答佢地係有問題，
佢好耐之前都已經feel到，
而且Aaron老婆都搵Caroline傾過............
即係唔係我諗得太多啦............
問題已經浮哂面，只係連佢都唔知點做好............

今晚Aaron好早就返到黎，
Déborah已經online等緊佢，咁我就借左部機佢用
一等就個半鐘後先有得用返..........
但今晚佢竟然用左成接近30M，聽日又係咁一定要出聲，
繼續落去，好快大家都唔使上網..........

十一點半起身........由腰開始到大脾.....
好酸痛.......尤其條腰.......
狀態同以前開英泥，第二日條腰一樣..........
一定係尋日剷沙太博命太累~~~~~
但又唔想玩得太求其......

係屋企hea下抖下...........
阿奶係Facebook度chat我，同佢傾左陣，
佢乜人都無聯絡，我俾左加菲個電話佢去call~~~
佢竟然養左7隻貓2隻狗...........
今年返黎去拜訪下先~~~

佢講香港好多人唔見左好多錢，
俾佢係我，佢唔會再返香港，一定留係呢邊發展........
我始終唔排除呢個可能性，不過言之尚早~~~~~~

Aaron九點半就返到黎，佢睇電視我繼續睇片~~~
十一點零準備update時，Déborah搵到黎，
但Aaron果陣已經訓左.........
同佢講完，佢話但佢自己之前已經online左喎..........
佢話以為我一見到Aaron，就會即刻同佢講.........
聽完我真係有少少火，Aaron無講要用，妳之前又唔出聲，
我亦都無監視住妳幾時online....家陣搞到我好似罪人咁.......

我問不如定個時間，妳每日幾點要同佢傾計，大家好就D
佢話只要佢online，Aaron係度時，而我又ok就同佢講...........
呢句好玄..........答左好似無答過........

假期早起始終有D難度........
七點鬧鐘響，搭半先起到身......
但一起身窗外超大霧.......

Aaron出去接Delan，我就8:15am落到樓下
上左Caroline車就落去接埋Aaron兩父子，
跟住就起程去Hout Bay~~~~~
到左山另一邊開始無咁大霧，但Camps Bay對出海面，
完全見唔到水面，只係一大片霧海........


到Hout Bay都有霧，不過開始慢慢散，
沙灘上已經有好多人開始砌緊sandcastle，
我地等埋Blonde黎到就埋位開始~~~~~
黎到見到Adam兩公婆都有參加，不過唔同Group~~~~~

主力都係得我同Caroline，Blode有工作係呢度，
Ryan唔玩就預左，Aaron開頭幫手左一陣，
之後就全程消失左~~~~~
時間唔係好夠，期間又要防守住唔好俾班細路黎搞破壞，
而且亦都無帶工具黎，所以做得都唔多好，

不過主要黎玩下姐.....算啦~~~~~

周圍行影下相，有D真係整得幾靚


都未宣布得獎名單，我地個sandcastle已經俾Delan摧毀


係度同班細路玩到點半先執野走，
過左Blonde屋企坐陣飲啤酒，
我一直抱住Blonde個細仔坐，到走時抱起佢，
先發覺大脾濕濕地.........佢瀨左尿...........
第一次有細路斟茶俾我........

四點零先返到屋企，但個人已經散哂.....好累

累還累，夜晚煲[Lelouch of Rebellion]，
煲埋ending煲到四點先訓.............

有少少悠閑既Happy Friday.......

個layout俾左Caroline睇，佢好鍾意，
而Chad係無整到layout.......
所以就決定聽日用我個layout~~~~~~

問過Caroline，佢話無Aaron新既搵屋消息，
不過佢晏少少就打俾Aaron，約好聽日幾點，
順便問佢搵屋搵成點...........
Aaron話今晚會去睇下間新屋........
呢幾日個住客佢就會搬入去~~~~~~~哦

做哂所有野先就等野做，Warren又成日唔online，
Chad開住speaker聽歌做野，都幾嘈.......
可能嘈得劑，Chad自己都分心做錯野，
做左大半日，晏晚先發現搞錯dpi，
要重新做過.......

收工Caroline兜埋我返去，自己係商場行左陣，
買左對涼鞋，想買好耐囉，對拖鞋薄到好似無著咁.....

Déborah搵我話個presentation有好好既feedback，
咁咪好囉~~~~~~之後同我講佢個fd既事...........
女人迷起上黎，咩國藉都係一樣.........

十二點幾開始好眼訓，不過都撐埋個日記先去訓........

聽朝照舊七點起身，約左Caroline係8:15am樓下接我地，
不過聽日會有雨........驚個比賽會取消.......
不過落雨堆沙先好，只要唔好太大雨就無問題~~~~

今日工作較順利.......
因為全部都係唔使點用腦既工作~~~~~

阿奶問我Facebook同學Group，
D人邊個打邊個?
咁我lunch時對住個member list，
譯返中文名send俾佢...........
但當我對對下時，見到個名.........Carrie Lin?
佢竟然join呢個Group.......完全意料之外~~~~
不過我都無想add佢，佢咁憎我，無謂啦~~~~~

收工後留低搵sandcastle既資料.........
今晚一定要死個layout出黎.......留到六點先走

返黎食完睇陣卡通，九點零開始準備度下layout時，
Déborah話有野要幫手.........聽日就要用.........
我睇過後就拿拿聲搞埋佢先.........
不過最後都做左個零鐘先搞掂.............
無耐又問可唔可以搵Aaron傾計？
唉，咁我去沖個涼先.......
沖完出黎等左陣，十一點幾先有機用......

原本諗住試下做埋個3D model出黎，
不過時間關系，我都係決定放棄，手畫就算..........
草草地都起左個layout先，問題只係work唔work........

經過今晚，更加相信佢兩個關系唔止朋友咁簡單.......
不過，就算係，我都係決定唔出聲........
始終太惹麻煩啦.........之前每次遇到呢d不倫問題，
至少都出句聲，今次就試下企係側邊食花生等睇戲~~~~~

依家就睇下呢個月尾Aaron係咪真係會搬..........
不過最好笑既係，d消息來源全部都唔係來自Aaron，
由搬左黎住到依家，佢都未同我講過一句搵屋既野.......
情理上，同我交待下都唔過份姐？

尋晚唔知幾點訓左，日記都未寫.......
今朝返工前，我認衰格架，
但好奇想睇下佢地尋晚講咩............

Déborah一句：I want stuff.....引起我好多疑問？
Aaron對話中類似做左d野，之後Déborah又話收唔到.....
最後Aaron係轉返自己account再傾........
點睇都太似情侶d對話.........
之前見過佢地不停互講I love you我都當係表示友好.......

彭小姐話如果真係既話，佢地ok既，未嘗係一件好事.....
而阿邪一開口就話我呻醋...........我都想係呻醋.........
如果Aaron未結婚，我話之佢地搞到上天花板啦~~~~~
Déborah得果21歲就做人二奶，係人都睇唔過眼呀..........？
而且成日要我借出電腦，原來係用黎偷情既話，
我就唔想囉........

但呢度無得同人講，只有同d無關痛癢既人商量........
Caroline都係口疏靠唔住.........

如果真既話，不枉我對教徒毫無信心，
甚至無好感........見過太多打住教徒名義做壞事......
好似以前果個肥佬文，發揮得最淋漓盡致.........
真係成日掛住神係咀邊.........最後咪又係偷呃拐騙.......
諗起都作嘔...........
果陣現場聽過佢講咩神會點點點之類.......
我果一刻真係毛管戙.........

Cassandra旅行兩日返左黎搵我，
話返黎又唔開心........又話屋企唔support佢.......
之前佢講過佢唔做野，到佢父母老左退休，
就攬住一齊等死........已經俾我鬧左一大餐......
今日又再係咁，又話屋企唔好之類........
我話妳屋企已做足有突，
俾我D仔女唔肯做野日日係屋企hea，
我一定扔佢地出街自生自滅.........
家陣咩都唔使妳做，有屋妳住，有飯妳食，
返工俾人話兩句就辭職走返屋企，
返到黎都無人話妳，妳仲想點？
妳仲要話屋企唔理妳？
講到呢度我都唔想再講，話有野做唔想再傾..........
佢真係痴線........

由一日要做近百既mockup，
做左大半先話只需做1/4既份量.........
真係O哂咀...........

返到屋企無人，可以靜靜地攤抖下

夜晚11點打緊日記，online定準備upload，
Déborah一見到我就問Aaron會唔會online.........
果陣佢沖緊涼，我都唔知點答好，佢又無講要online........
咁我話等我做埋少少野，15 mins ok？
Aaron沖完涼出黎就話想訓.......咁我話Déborah等緊你，
不過等多陣，但佢話好累.......唉，咁我停低俾佢地傾先.......
一傾又半個幾鐘..............

立場上，我唔可以借出modem同account，
俾Aaron部腦自己上網用........始終係公司資產.......
不如聽日問下Aaron，每晚約定幾點同Déborah傾計，
咁大家時間都好就d~~~~~~~~

今日Caroline都病埋........
Steve又搬左落下層office，好靜~~~~~

Bonnie細佬又求救........部腦經常自動熄機......
除左隻火牛有問題外，都諗唔到有咩解釋..........

彭生病左，得到我地咁多人係Facebook既(慰問)，
都算唔話得啦~~~~~~~

返到屋無耐Déborah搵我話今晚想搵Aaron，
佢會SMS Aaron早d返上黎..........
Aaron十點半返到，我問使唔使offline轉account，
佢話唔使咁就由佢...........
不過上床攤住等佢地，等我都訓著...........

尋晚太夜訓，今朝遲左半個鐘先起身.....

返去都係繼續忙Dubai.......
上晝狀態好好，食完lunch就開始好眼訓兼頭赤
接近做唔到野既程度..........
要不時起身行下提神~~~~~~`

做design最頭痛就係明明不太好既設計，
都要依照別人既喜好而去做........
今日咁頭赤，其中原因可能都因為咁.........

返到屋企仲好頭赤.........
同陳威傾左幾句，順便幫大姐問既野都問埋，
不過始終都係唔適合做........

頭痛影響埋心情...........今晚都係早d訓...........

訓醒已經十一點幾，食完個早餐之後都無再食野.....
無咩做，只係執下野，打下機.........
反而成個下晝無乜點用過電腦.............

夜晚用埋剩左既白飯炒埋佢，
今次自己食，想試下整蛋白炒飯.........
至於點整........完全斷估~~~~
同樣其他配料炒熟左先，之後到炒飯，
我就加鮮蛋白落飯度一齊炒.........
起初時好(洁)，d飯變左糊狀咁......好驚........
再猛火d炒左陣開始轉好.........
之後再加埋配料一齊炒........嗯，ok啦~~~~
不過同以前食過既唔同.......好似無乜蛋白味........
可能我配料太多同蛋白唔夠掛.........
同埋真正個流程應該點呢？
遲d上網搵下先..........

我覺得呢度人駕車技術普遍都差過香港，
就算有技術但就鍾意懶醒亂咁黎.........
今晚望出窗，見到樓下最左線既車，
一轉綠燈，就響哂呔開車，
兼由最左線快速右轉入路口，閘停右邊線兩架車.........
真係痴線........應該飲大左...........
係呢度我經常都見到d驚險鏡頭，甚至發生意外......
好多香港已經抄左牌既動作，呢度都無人理..........
所以每次我過車路都幾大壓力,,,,,,,,,
驚唔知邊度突然劈架車出黎........

十點鬧鐘響前，Warren打黎問我幾點係屋
佢一陣過黎拎隻手指走........
半個鐘唔使佢就打黎話係樓下........
我落去搵佢唔見，先諗到佢無講過話上黎，
即刻飛上屋拎隻手指落樓出馬路搵，
佢真係泊左係度............我真未訓醒.........

橫豎落左黎，順便去超市兜個圈........
買左橙到俾錢先知無過磅........我真係仲未訓醒.......

返上去開始煲湯，之後hea住等Caroline黎，
佢同Ryan點半鐘左右~~~~~~~
坐左陣，Caroline、Aaron同我就出去練車，
留低Ryan係度~~~~~~

我地返左公司後面停車場練車
Aaron練完就到我無牌駕駛..........一坐低，勁死火.........
不過好快已經上返手.......至少十年無揸過車啦.......
停車場無人，兜左好多個圈同練左兩三次泊車.....
ok啦，不過未敢出路面住，同未肯定法例上得唔得？

練完接埋Lydia返上我度，之後Dylin都黎埋
我就開始準備d炒飯..........
個平底鑊細，每次最多只能炒到一大碟既分量.........
前後我總共炒左三次......自己只食一碗仔
我驚佢地唔夠飽咋........
之後開始飲湯，D湯俾我想象中好飲........

因為我預計呢d藥材湯唔係一定好味~~~~~
Caroline好鍾意D湯，好耐未試過咁既味道......
令佢諗返起佢阿爺，佢阿爺住過香港兼有女友，
佢食過阿爺煮既中菜，有類似咁既味道..........

佢地八點半就走哂...........
五個大人，一個細路，三大碟飯，一大煲湯，
紅、白酒各一支，再加零食........
好似唔係好夠........

夜少少Déborah搵我，晏晝時佢已經搵我，
不過我唔得閒........
都係份功課有少少野改，半個鐘就搞掂..........

夜晚十一點幾Aaron先返，我借部腦俾佢同Déborah傾，
我自己返上床打機，無耐就訓著左..........